Sabtu Budaya 21 Mei 2022 SMAN 1 Aikmel

Sabtu Budaya Iyur Malik Le SMAN 1 Aikmel

SMAN 1 AIKMEL. Seowahan libur sekolah jerak lebaran betepatan si jelo Sabtu tanggal 21 Mei 2022, le sekolah SMAN 1 Aikmel tetep lanjutang program Sabtu Budaya si wah biasa tagawek isik selapuq murip-murip bareng guru si ngajarang. Program Sabtu Budaya ine merupakan program bagus untuk ningketang literasi murip-murip dait guru ateqna tetep inget budaya si araq le gumi paer NTB.

Selapuq pada seneng, selapuq pada miaq permaenan tradisional, murip-murip bareng guruna besaiq jari sopoq le tengaq lapangan sekolahan. Araq si maen Benteng, araq si maen selodor, araq si maen Ciwe, araq si maen olahraga, araq si ngigel. Laguq sindekman pada besabtu budaya, selapuq murid le SMAN 1 Aikmel ine tarik-tarik pada ngaji baca al-quran. Ngaji atau baca al-quran ta gaweq jam pituq teng selama telung dasa menit jari literasi spiritual selapuq murip-murip ateqna ndek lupaq le neneq epenta si kuasa.

Sekenoan juaq senam Gemar Gatra jari pemanasan ta gaweq seowahan tapada ngaji. Senam Gemar Gatra ine adalah senam khas le kegiatan Sabtu Budaya mbe-mbe sekolahan pasti na senam juluq ateqna semangat gaweq permaenan tradisinal. Selapuq pada senam ngikutin gerakan instruktur atau  tukang ajar. Murip-murip bareng guru le tengaq lapangan SMAN 1 Aikmel santer isikna demen ngecokang senam Gemar Gatra dakaq jelo oah panas daur bueq terik.

Sindekman mulai permainan tradsional ta mulaiang, kepala SMAN 1 Aikmel, Mamiq Drs. Lalu Moh. Ali Iftihar, sekedik nyadeq basa tipaq selapuq murip-murip dait guru bahawa kegiatan Sabtu Budaya ine adalah program Dikbud NTB si bagus talanjutang jari tradisi le SMAN 1 Aikmel. Le arahanna, Mamiq kepala nyebut bahawa le program Sabtu Budaya ine si pertama araq unsur religiusna, kedua araq unsur sehatna, siketelu araq unsur hiburanna, sekeempat araq unsur kebersamaanna dait sikelima araq unsur arif budayana. Jari basa mamiq kepala sekolah ateqta tetep besemangat dan tetep ngelekaqang dait kompak le program Sabtu Budaya ine.(Humas Smanel)

Berita Lainnya :

• PPDB 2022/2023 SMAN 1 Aikmel
• Bimbingan Teknis Entry E-Raport Semester Genap 2021/2022
• Amati Implementasi Kurikulum Merdeka di SMAN 1 Sikur
• SMAN 1 Aikmel Buka program SMA terbuka 2022/2023
• Workshop Penguatan Literasi Tim Media Sekolah

Nama     :
E-mail   :
Komentar :
          

Kode     :

Komentar :

Pengirim : Amelia solehatun zohrah -  [Ameliasolehatun28@gmail.com]  Tanggal : 12/06/2019 Apakah daftar di sekolah ini memerlukan biaya

Pengirim : Amelia solehatun zohrah -  [Ameliasolehatun28@gmail.com]  Tanggal : 12/06/2019 Apakah daftar di sekolah ini memerlukan biaya

Pengirim : Amelia solehatun zohrah -  [Ameliasolehatun28@gmail.com]  Tanggal : 12/06/2019 Apakah daftar di sman 1aikmel memiliki biaya